جريدة منظمة كيان إبداع الرقمية في حوار خاص مع المبدع: صابر عيد.
يسر جريدة منظمة كيان إبداع وجودك معنا اليوم، مع حضرتك: نورا محمد محاور صحفى بالجريدة، نتمنى حضرتك تكون بخير.
_تمام بخير الحمد لله
-ممكن نتعرف على حضرتك.
_صابر عيد إبراهيم، كاتب قصص وشاعر
-انضميت لإبداع امتا وبيمثلك ايه؟
_أنا في إبداع من بداية تأسيسه، وهو بالنسبالي يعني مكان بحب اتواجد فيه على الرغم من خروجي كذا مرة ولكن برجعله تاني
-ايه رأيك في عودة كيان إبداع للساحة مجددا بعد فترة غياب طويلة؟
_يعني انا الصراحة مكنتش اعرف ان النشاط متوقف بس اتمنى يرجع أقوى من الأول واتمنى من الإدارة أنها تبتكر أفكار جديدة مختلفة عن زمان ده هيساعد المنظمة ترجع أفضل من الأول.
-هل عندك أي اقتراحات أو انتقادات لإبداع، سواء النظام أو المشرفين أو الأعضاء؟
_يعني أنا حاليًا معنديش أي انتقاد ومش بفكر في أي انتقاد أنا دخلت المنظمة من تاني وبعيد عن الادارة عشان أمارس الهواية اللي بحبها.
-مين أكتر شخص شايف انه ممكن يرجع مكانة إبداع لسابق عهدها وحابب تشكره؟
_يمكن الناس اللي في الادارة حاليًا مش على معرفة كبيرة بيهم غير أحمد طبعًا واتمنى ان يرجع للمنظمة ناس من الادارة القديمة لانهم عندهم خبرات كويسة ولكن يعني ربنا يوفق الجميع وعندي ثقة كبيرة في دكتور أحمد انه يعمل شغل يحترم.
-حابين نباركلك على فوزك بالمركز الأول في مسابقة التصميم والثالث في مسابقة الارتجال وسعيدين بوجودك ضمن عيلة إبداع
-أنا أسعد
_ايه هي خططك وأهدافك الفترة الجاية وحابب توصل لفين؟
-حابب ارجع لمستوايا تاني في الكتابة وحابب اخد المسابقات فرصة تعلي من مستوايا اكتر واكتر
_مين هو مثلك الأعلى، قدوتك في الحياة؟
-معنديش مثل أعلى واحد عموما كل شخص بستمد منه حاجة معينة فشايف ان انسب كل ده لشخص واحد ظلم كبير.
_رسالة توجهها للمتابعين اللي بيشوفوا حوارنا دلوقتي.
-اتمنالكم كل خير يارب، واتمنى لكل شخص بيسعى ورا هدف يقدر يحققه وربنا معاكم ومعانا
_تشرفت جدا بمحاورة حضرتك، وبتمنالك دوام الإبداع.
-الشرف ليا.
ـــــــــــــــــــــــــــــــــــــــــــــــــــ
حوار صحفي مع المبدع: صابر عيد
المحاورة الصحفية بجريدة كيان إبداع الرقمية: ك. نورا محمد
رئيس التحرير: ك. عبدالرحمن السعيد
رئيس مجلس الإدارة: د. أحمد عيد "القائد🦅"
"لا أحد يُضيف إلى إبداع، ولكن إبداع يُضيف لنا جميعًا"
#منظمة_كيان_إبداع_لدعم_المواهب
#كيان_إبداع
تعليقات
إرسال تعليق
يمكنك ترك رايك فى قسم التعليقات،وعرض أي مقترحات لديك لتطوير كيان إبداع،وترك أي استفسارات .